Siglir tar il cuntegn

Header

cuntegn

Immobiglias Surprovediment d'abitaziuns cuntinua

Il dumber d’abitaziuns libras en Svizra pudess crescher vinavant. Quai spetga almain l’interpresa da cussegliaziun d’immobiglias Wüest Partner. Era sche bleras abitaziuns affittadas èn anc libras, vegn bajegià vinavant. L’onn current pudessi dar fin a 9'000 novas unitads d’abitar libras – 80% da quai tar abitaziuns affittadas.

Quai ha era ina consequenza sin il pretsch d’abitaziuns. Tenor l’interpresa èn ils tschains da locaziun sa reducids durant l’ultim onn en media per 1,5%. Ils tschains pli bass han consequenza sin dapli tegnairchasas pitschens. Quai mussan cifras da l'onn 2017. 49% da las persunas che han stgaffì in nov tegnairchasa èn persunas singulas.

Blers objects restan sur pli lung temp liber

L'interess per proprietad d'abitar è intact, motiv principal è il tschains d'ipotecas ch'è actualmain fitg bass. Ils pretschs èn ils davos 12 mais creschids. L'offerta d'abitaziuns e chasas d'ina famiglia è percunter era s'augmentada. Ma la qualitad dals objects ed il pretsch persuenter na sa cunfan dentant betg adina. Uschia restan bleras abitaziuns sur pli lung temp liber.

RR novitads 17:00

Artitgels legids il pli savens