Siglir tar il cuntegn
Inhalt

Svizra Immigraziun va enavos

Cumpareglià cun l’onn avant è l'immigraziun d’esters en Svizra sa reducida ils emprims trais mais da quest onn.

Fotografia d'ina broschura d'integraziun.
Legenda: Damain persunas ord l'UE e EFTA èn immigradas en Svizra. Keystone

Dal schaner fin il mars èn en total 33'000 persunas da stadis da l'UE e l'EFTA immigradas en Svizra per lavurar. Quai èn 3,4% pli pauc che l'emprim quartal da l'onn avant, communitgescha il secretariat statal per migraziun.

Durant la medema perioda da quest onn èn 10'300 persunas immigradas en connex cun la reuniun da famiglia. Radund 2'000 da questas persunas han in confamigliar svizzer.

En il medem temp è l’emigraziun da la Svizra ida enavos per 4,6%. Il saldo da migraziun ha muntà a 14’635 persunas, 2,6% damain cumpareglià cun il medem temp da l'onn avant. La fin da mars vivevan 2 milliuns persunas estras en Svizra.

RR novitads 14:00