Sin incumbensa da la conferenza da las regenzas dals chantuns ha l'anteriur top-diplomat Michael Ambühl elavurà la clausula «Bottom-up».
Svizras e Svizzers l'emprim
La clausula da protecziun prevesa en emprima lingia la precedenza per lavurants svizzers avant lavurants che derivan da l’Uniun Europeica UE. La precedenza duai vegnir fixada sin basa pli bassa (princip bottom-up) – numnadamain sin basa dals chantuns.
La clausula «Bottom-up» duai dar als chantuns la pussaivladad, da restrenscher l’immigraziun là, nua che quella causescha squitsch extraordinari sin plazzas da lavur e pajas. La soluziun dals chantuns na lavura betg cun cifras maximalas.
Spazi d'agir per ils chantuns
Cun quai che la clausula preveda mesiras naziunalas mo, sche branschas u gruppas professiunalas cumplettas vegnissan en difficultads, dat ella spazi dad agir als chantuns.
La Cumissiun d'instituziuns politicas dal Cussegl naziunal vegn a manar l’emna proxima sia debatta finala tar la realisaziun da l’iniziativa davart l’immigraziun da massa. Suenter arriva l’affar en la chombra gronda.
RR novitads 12:00