Immigraziun da massa: Tribunal federal refusa plant

Il Tribunal federal ha refusà ils plants en connex cun l'iniziativa “Cunter l'immigraziun da massa”. Tenor il tribunal na po la procedura da la votaziun betg vegnir giuditgada danovamain, perquai che las premissas da far quai n'èn betg dadas.

Bandiera svizra sgulatscha sur il bajetg dal tribunal a Losanna.

Legenda da maletgs: Tenor il Tribunal federal avessan ils recurrents stuì reclamar pli baud. Keystone

Ils recurrents avevan pretendì che la procedura vegnia giuditgada da nov perquai che las votantantas ed ils votants sajan vegnids influenzads dals placats da la PPS («Kosovaren schlitzen Schweizer auf»).

Tenor la decisiun dal Tribunal federal avessan ils recurrents stuì reclamar pli baud, cunquai ch'ils placats eran vegnids pendids si gia avant la votaziun dal favrer 2014.

RR novitads 14:00