Svizra - Immigraziun: Brüssel vesa nova votaziun sco “inevitabla”
Passa in onn suenter ch'il suveran svizzer ha acceptà l'iniziativa d'immigraziun da la PPS, insista l'Uniun europeica sin ses punct da vista. Ina nova votaziun en Svizra saja “inevitabla”, quai manegia il manader da las contractivas da l'UE, Jaciej Popowski.
Senza dubi stoppia il pievel decider anc ina giada enfin la fin dal 2016, ha Popowski ditg envers pliras gasettas da la Svizra franzosa. Novas contractivas cun la Svizra pervi da la circulaziun libra da persunas na vegnian betg en dumonda. Ed er da reintroducir in sistem da contingents cun priorisar ils indigens renvieschia Brüssel.
