Siglir tar il cuntegn
Inhalt

Svizra Ils Verds refusan la lescha per gieus da daners

Tar l'iniziativa per il daner cumplain han ils delegads decis la libertad da votar.

Verds e Verdas che voteschan cun in palpiri verd en l'aria.
Legenda: Ils Verds refusan la lescha per gieus da daners. Keystone

La sonda ha la Partida ecologica svizra decidì la sonda ad Olten las parolas per las votaziuns federalas dals 10 da zercladur. Ils delegads da la partida refusan la lescha per gieus da daners. Quella protegi memia pauc giugadras e giugaders cun privel da dependenza. Plinavant cuntrafetschia la censura da l'internet che la nova lescha prevesa cunter la libertad d'infurmaziun.

Pli pauc cler è la partida s'exprimida tar la lescha per il daner cumplain. Ord vista dals Verds dettia tant arguments per l'iniziativa sco er cunter. Perquai han ils delegads decis la libertad da votar.

Ils Verds han ultra da quai confermà Regula Rytz sco presidenta da la partida ed engrondì il co-presidi da 4 sin 6 vice-presidentas e presidents.

RR novitads 18:00