Suenter bunamain trais dis cun disturbis curseschan ils trens en la staziun da Basilea dapi mezdi puspè tenor urari. La mesemna cunter saira era in tren tudestg ICE ì sur ils binaris ora.
Dapi lura han las Viafiers federalas lavurà di e notg per reparar ils donns. Uschia han tozzels da lavurers stuì midar ora tocca da sviaders ed in entir sviader.
Ils donns muntan tenor la SBB a milliuns da francs. Da chattar ora pertge ch'il tren è svià sa stenta uss il Servetsch svizzer d'enquista da segirezza SUST.
