Siglir tar il cuntegn
cuntegn

Svizra Ils trens circuleschan puspè tranter Turitg e Cuira

Il disturbi tranter Au (ZH) e Richterswil (ZH) è schlià. Motiv per l'interrupziun è ina panna d'electricitad a la staziun da Wädenswil stada. Uss curseschan ils trens puspè tenor urari.

Tren SBB
Legenda: A Wädenswil stattan ils trens actualmain eri. Keystone

Pervia d’ina panna d’electricitad èn ils trens tranter Au (ZH) e Richterswil (ZH) stads eri glindesdi suentermezdi suenter las duas, uschia communitgeschan las Viasfier federalas. Pertutgads dal disturbi eran tut ils trens regiunals e naziunals tranter Turitg e Cuira. Per part han bus transportà ils passagiers. Uss curseschan ils trens puspè tenor urari.

Panna d'electricitad

La raschun pervia da l’interrupziun da la forza electrica enturn la staziun da Wädenswil n’è betg anc cler. Quai ha ditg la pledadra da las Viafiers federalas envers l’agentura da novitads sda. Experts sajan vid examinar la situaziun. Tenor la SBB saja la lingia electrica stada dapi las 14:15 senza forza.

RR novitads 15:00