Siglir tar il cuntegn
Inhalt

Svizra Ils tickets per la messa dal papa a Genevra èn davent

Grond interess vid la visita dal papa en Svizra – ils 41’000 plazs sajan stads davent fitg svelt, han annunzià las diocesas da Losanna, Genevra e Freiburg.

Papa Francestg cun il polesch ad aut.
Legenda: Papa Francestg vegn a savair salidar blers catolics a Genevra. Keystone

Cunzunt las plaivs ed uniuns catolicas da l’entira Svizra èn s’annunziadas per la messa dals 21 da zercladur a Genevra. Surproporziunalmain blers derivian da la Svizra franzosa. Mintga dieschavel vegnia plinavant da la Frantscha.

Per tut tgi che n’ha betg in bigliet – po er persequitar la messa a la televisiun. Plinavant è la messa da vesair sin taila gronda en la citad da Genevra. Sper la messa vegn il parsura da la baselgia roman-catolica a visitar il Cussegl ecumenic da las Baselgias. Planisads èn era discurs ed uraziuns.

Tar la davosa visita dal papa en Svizra l’onn 2004 eran bun 70’000 persunas vegnidas a Berna per celebrar cun Papa Gion Paul II.

RR novitads 11:00