Siglir tar il cuntegn

Header

cuntegn

Svizra Ils Tessinais astgan cumprar en pli ditg en il futur

Las uras d’avertura da las butias en il Tessin vegnan in zic pli liberalas. Suenter ch’in referendum dal sindicat Unia ha fatg naufragi, dastgan las butias avrir durant l’emna da nov fin las 7 la saira.

La finala han 85’360 votantas e votants tessinais sustegnì da schlargiar las uras d’avertura, e 58’877 han refusà ellas. La participaziun munta a 66,48%.

Sustegnì la liberalisaziun da las uras d’avertura da las butias avevan la regenza tessinaisa, il commerzi en detagl e las organisaziuns turisticas. Il mars avant in onn aveva il Cussegl grond decidì la prolungaziun da las uras d’avertura.

Uss dastgan las butias tessinaisas avrir durant l’emna fin las 7 la saira, enstagl da fin uss las 6 e mesa. E la sonda serran las butias enstagl da las 5 da nov las 6 e mesa. Ultra da quai dastgan las butias avrir la damaun gia da las 6.

RR Novitads 17:00

Artitgels legids il pli savens