Siglir tar il cuntegn
Inhalt

Svizra Ils Svizzers han duvrà dapli energia l'onn passà

En Svizra è il consum da forza electrica s'augmentà l'onn passà per 1,4%.

pitgas per lingias da forza electrica
Legenda: L'onn passà han Svizras e Svizzers consumà dapli forza electrica. Keystone

Quai cumpareglià cun il 2014. Tenor l'Uffizi federal d'energia ha ins duvrà en tut passa 58 milliardas uras kilowatt.

La raschun per quest augment è il dumber pli grond dals dis nua ch'igl è vegnì stgaudà. La Svizra dovra radund 10% da l'electricitad per stgaudar. Quai dasper l'activitad economica intensiva e la populaziun ch'è creschida.

Ils 58 milliardas uras kilowatt dal 2015 n'èn dentant betg il record. Lez è dal 2010 cun 60 milliardas uras kilowatt.

Fertant ch'il consum da forza electrica è creschì è la producziun sa sbassada sin 66 milliardas uras kilowatt. La cumpart d'electricitad da las ovras atomaras è medemamain ida enavos. Percunter hai dà dapli forza electrica or da energias regenerablas.

RR novitads 12:00