Ils Svizzers èn ils pli ritgs dal mund

Ils abitants svizzers èn sin l'entir mund anc adina ils pli ritgs. La distanza tar autras naziuns industrialas sa sminuescha dentant.

Buttiglias da schampagn cun magiels da schampagn.

Legenda da maletgs: Ils pli ritgs dal mund èn ils Svizzers. Els possedan en media ina facultad da 186'000 francs. Keystone

Mintga persuna en Svizra ha en media ina facultad netta da 186’000 francs. Quai resulta dal «Global Wealth Report» publitgà da l’assicuranza Allianz.

Svizra a la testa avant ils Stadis Unids

La Svizra è uschia a la testa da tut ils 50 pajais examinads. Ils segunds ritgs dal mund èn ils Americans cun ina facultad en media da 175’000 francs. Sin plazza trais figureschan ils Brits cun 105’000 francs. Nos vischins da la Germania figureschan sin posiziun 18 cun ina facultad netta da 52’000 francs, communitgescha l’Allianz.

RR novitads 18:00