Siglir tar il cuntegn

Header

cuntegn

Svizra Ils purs èn pauc intgantads da la proposta d'Economiesuisse

L'associaziun tetgala per l'economia Economiesuisse propona in nov sistem da subvenziuns, per ch'ils purs sajan pronts per las sfidas futuras. La politica agrara duai s'orientar al martgà.

In nov sistem da subvenziuns duai far ils purs fits per la concurrenza a l’ester.

Da quest avis è l’associaziun tetgala per l’economia Economiesuisse. Perquai propona ella da midar il sistem da subvenziuns. I na dettia nagina cuntradicziun tranter in’avertura dal martgà parziala ed in’agricultura che produceschia cun success. Quai ha communitgà Economiesuisse.

Economiesuisse sa basa sin in studi ch’ella ha laschà far. Quel mussa co che la cumpetitivitad da l’agricultura svizra pudess vegnir rinforzada e co ch’ils purs pudessan sa preparar sin in’ eventuala cunvegna da commerzi liber.

Ils purs n'èn betg cuntents cun la proposta

Els sajan bain pronts da discutar davart cunvegnas da commerzi liber di il president da l'uniun purila svizra Markus Ritter. El spetga dentant ch'er lur interess vegnian resguardads. Che l'industria profiteschia sin donn e cust da l'agricultura na saja betg acceptabel. La proposta dad Economiesuisse na vegnia betg en dumonda.

audio
Bunura: Politica agrara orientada al martgà cun reacziun Markus Ritter
ord Actualitad dals 16.10.2018.
laschar ir. Durada: 3 minutas 11 Secundas.

RR actualitad 07:00

Artitgels legids il pli savens