Siglir tar il cuntegn

Svizra Ils proxims quatter onns datti dapli daners per l’armada

L’armada svizra duai survegnir ils proxims 4 onns tuttina 20 milliardas francs. Il Cussegl federal è entrà sin las pretaisas dal parlament. Enfin uss vuleva il Cussegl federal dar 18,8 milliardas per l’armada.

Schuldada da l'armada svizra.
Legenda: Ils proxims 4 onns duai l'armada survegnir en tut 20 milliardas francs. Keystone

Il Cussegl federal è suonda a las propostas dal parlament e dat ils proxims quatter onns 20 milliardas francs a l’armada, quai communitgescha il Departament federal da finanzas. Quai munta 5 milliardas ad onn per l’armada. Per finanziar quai duai il program da stabilisaziun per il 2017 fin il 2019 vegnir schanegià. Sco il Departament federal da finanzas scriva saja planisà da spargnar enstagl da 243 milliuns francs uss 131 milliuns francs, ha decis il Cussegl federal.

RR novitads 20:00