Siglir tar il cuntegn

Svizra Ils proxims onns na ston ins betg temair zerclim – però glifosat

Il med per destruir zerclim discutà glifosat dastga vegnir duvrà 5 ulteriurs onns en l'UE. Quai ha decidì la maioritad dals commembers da l'UE il glindesdi.

Canister cun glifosat
Legenda: Studis scientifics vegnan a differentas conclusiuns, sche quest med chaschunia cancer u betg. Keystone

18 dals 28 commembers da l'UE han vuschà per la proposta d'ina cumissiun da l'UE, uschia ina pledadra da l'autoritad.

Da 10 a 5 onns

Oriundamain aveva la cumissiun da l'EU proclamà ina prolungaziun da la licenza da 10 onns. Quai na han ils commembers da l'EU dentant betg sustegnì. Il proceder ha sa stratg sur plirs mais cunquai che tuttas duas varts n'avevan betg avunda aderents. Uschia ha la cumissiun stuì sminuir la prolungaziun per la licenza actuala che scroda ils 15 da december sin tschintg onns.

Ina chemicalia dispitaivla

Sin las cultiras fan ins gia 40 onns diever da glifosat. Il diever è dentant cuntravers. In studi da l'Organisaziun mundiala da la sanadad (OMS) classifitgescha che la chemicalia chaschuna probablamain cancer. Auters studis sco era las agenturas da l'UE na conferman dentant betg quest suspect.

Ina prolungaziun è dentant betg mo impurtanta per l'agricultura e per consuments, mabain era per il gigant da chemia Bayer che vul surprender l'inventader da glifosat Monsanto per 60 milliardas francs.

RR novitads 17:00

Legende: Video Damain glifosat - pussaivel? abspielen. Laufzeit 01:21 Minuten.
Or da Nouvo RTR dals 30.10.2017.