Siglir tar il cuntegn

Svizra Ils pretschs èn sbassads en Svizra il mais passà

Il mais passà èn ils pretschs en Svizra puspè sa reducids lev numnadamain per 0,1 pertschient. Quai suenter dus mais cun levs augments.

Persunas avant ina butia.
Legenda: Ils consuments han pajà in zic pli pauc il november per blers products. Keystone

Pli bass tschains d'abitar e pli bunmartgads autos hajan procurà per la reducziun, scriva l'Uffizi federal da statistica. Er pli bunmartgà sajan stads ils pretschs per benzin e per pernottaziuns en hotels. Per bun in tschintgavel en ils pretschs per tomatas, auberginas, cucumeras e per zuchettis sa reducids. Motiv eran acziuns e in tschert effect stagiunal, scriva l'uffizi da statistica.

Ieli da stgaudar pli char

Da l'autra vart han ils consuments stuì pajar il november bunamain 8 pertschient dapli per l'ieli da stgaudar. Er dapli han ils consuments stuì pajar per viadis pauschals ma er per liongias.

RR novitads 11:00