Ils pretschs auts en mira – Iniziativa «Per pretschs fairs»

Ina vast'allianza politica vul cumbatter ils pretschs auts per products che vegnan importads en Svizra. Ella ha perquai lantschà l'iniziativa cun il titel «Per pretschs fairs». Cun l’iniziativa duain vegnir evitadas consequenzas negativas da cartels.

In um cun in rolli en in deposit.

Legenda da maletgs: Lantschà l'iniziativa han tranter auter la Fundaziun per la protecziun dals consuments, Gastrosuisse, Swissmechanic e politichers da tut las partidas. Keystone

La Confederaziun duai tranter auter procurar che consuments ed interpresas svizras pon cumprar rauba da furniturs da l'exteriur senza vegnir discriminads, hai num en il text da l'iniziativa.

Rimnar suttascripziuns fin mars 2018

A medem temp duai quai vegnir evità ch’interpresas ch’èn pussantas sin il martgà impedeschan la concurrenza, vul dir che quellas survegnan in monopol.

La chanzlia federala ha preexaminà l'iniziativa e publitgà quella en il Fegl uffizial federal. Uschia pon ils iniziants cumenzar a rimnar suttascripziuns fin ils 20 da mars 2018.

RR novitads 11:00