Ils patruns na quintan betg cun midadas tar il persunal

Passa 9 da 10 patruns en Svizra fan quint ch'i na dettia nagina midada tar lur persunal il quart quartal da quest onn. Durant la stad saja il martgà da lavur svizzer stagnà. En vista dal proxim quartal èn ils patruns perquai precauts.

ina dunna vid la lavur

Legenda da maletgs: Era la branscha da servetschs quinta cun in lev augment dal persunal il quart quartal. Keystone

Quai resulta dal barometer dal martgà da lavur da Manpower, l'intermediatur da persunal. Las perspectivas d'occupaziun dastgassan restar stabilas ils proxims trais mais. 92% dals 750 patruns dumandads fan quint ch'i na dettia nagina midada tar lur persunal. 4% fan quint cun in augment e 3% cun ina sminuziun da lur persunal.

Vistas positivas

6 da 10 secturs en l'economia quintan en il decurs da l'october fin il december cun in augment dal persunal. Las vistas las pli positivas en quest areguard han la branscha da bancas ed assicuranza, il sectur da servetschs ed immobiglias sco era la gastronomia.

RR novitads 08:00