Siglir tar il cuntegn

Header

cuntegn

Svizra Ils onns proxims sto la Postfinance quintar cun damain entradas

La Postfinance sto quintar ils dus onns che vegnan cun damain entradas d'almain 3,5 fin 4 milliuns francs. La raschun è ina reducziun dal pretsch per interpresas che fan transacziuns che succedan cun la «Postfinance-Card» vi da terminals electronics.

Quai saja il resultat d'ina regulaziun ch'il survegliader dals pretschs e la Postfinance hajan chattà en enclegientscha, scrivan las duas partidas. Las marschas da la Postfinance da fin qua per transacziuns cun la «Postfinance-Card» sajan stads en media memia autas, ha ì num vinavant.

In rap pli pauc per transacziun

La mesira principala prevesa che las interpresas che han in volumen da transacziun tranter 10’000 ed 1’000’000 profiteschian pro transacziun d’ina reducziun dad in rap. Clients cun in volumen da transacziun da sur in milliun per onn vegnan a profitar d’ina reducziun individuala, scriva la banca da la posta.

Survegliader dals pretschs vegn a far controllas

La regulaziun vala davent dal prim da schaner 2017 fin la fin dal 2018. Il survegliader dals pretschs vegnia a far controllas sche la Postfinance realiseschia propi las mesiras. Sche quai na fiss betg il cas alura stuess la Postfinance cumpensar las differenzas cun ulteriuras reducziuns da pretschs, scrivan la banca.

RR novitads 12:00

Artitgels legids il pli savens