Bleras spezias d’utschels, luschards ed auters animals èn periclitads. Da quai n’èn betg principalmain ils giats la culpa. Ma tuttina, ins va da quai anora, ch’ils 1,5 milliuns giats da chasa ch’igl dat en Svizra, mazzan mintg’onn milliuns d’utschels. Tranter auter era animals da las spezias periclitadas sco ils utschels da la spezia cuacotschna d’iert ed il volvachau ni il luschard taclà.
Ils giasts portan in pau in tranter l’auter igl equiliber ella cuntrada culturala. Igl ozendi per exempel 10 giadas dapli giats che vulps. Schliaziuns fissan da tegnair pli paucs giats ni da betg laschar ir quels ordavert.
Quai èn dentant betg mesiras che vegnan en dumonda. Ina pussaivladad fiss da metter enturn als giats cularins da colur ni cun in brunsin vidlonder. Sche quai gida propi ils utschels da pudair fugir dals giats, quai vegn uss intercurì en in studi da la staziun ornitologa a Sempach.