Siglir tar il cuntegn
cuntegn

Svizra Ils geniturs fan quitads als magisters

Cunquai che la relaziun tranter la scola ed ils geniturs vegn pli e pli cumplitgada reagescha l'associaziun dals magisters svizzers cun in nov mussavia. L’agentura da novitads svizra SDA rapporta en chaussa.

Portrait Zemp.
Legenda: Betg ils uffants, ma ils geniturs fan quitads als magisters – Beat W. Zemp da l'Associaziun tetgala da la magistraglia Svizra. Keystone

Pli baud hajan ils geniturs fitg savens sustegnì mesiras da magisters e decisiuns da scolas - scriva il president da l'Associaziun tetgala svizra da magistras e magisters Beat Zemp en la prefaziun dal mussavia. Ozendi sajan ils contacts cun ils geniturs dentant daventads cleramain pli pretensiuns. Latiers tutgian er conflicts pesants che possian durar ditg.

La glista da check.
Legenda: Tge fa la magistraglia e tge ils geniturs – ina glista da check duai gidar da definir las responsabladads. RTR, Isabelle Jaeger

52 paginas agid per situaziuns spinusas

Il nov mussavia da 52 paginas remplazza in document dal 2004. El preschenta puncts concrets che duain gidar a las magistras ed ils magisters scolasts da schliar conflicts. Uschia sche geniturs èn da l'avis ch'ils pensums na fetschian nagin senn. U sche geniturs engaschan giurists u tschertgan la via en las medias sch'insatge na plascha betg ad els.

Il fegl sisum.
Legenda: Il mussavia nov per magistraglia e geniturs svizzers. RTR, Isabelle Jaeger

RR novitads 16:00