Siglir tar il cuntegn
cuntegn

Svizra Ils foss sa spostan – da «rösti» tar «champagna-citad»

L'uschenumnà «foss da Rösti» tar votaziuns naziunalas daventa adina pli pitschen. Persuenter è il foss tranter champagna e citad vegnì pli grond. Quai demussa in studi da l'ETH da Losanna (EPFL).

Röschti en padella.
Legenda: L'uschenumnà «foss da Rösti» tar votaziuns naziunalas daventa adina pli pitschen. Keystone

Eran ils resultats da votaziun anc influenzads ils onns 80 fermamain dals foss tranter las differentas regiuns linguisticas, stettian oz la Svizra franzosa, las grondas citads da la Svizra tudestga, il Tessin e parts dal Grischun dad ina vart - da l'autra vart sa chattian las aglomeraziuns e la populaziun champestra.

Per il studi han ils perscrutaders dad urbanistica e l’architect Shin Alexandre Koseki da l’ETH Lausanne (EPFL) evaluà ils resultads da las votaziuns naziunalas dals ultims 30 onns. Durant quel temp ha il suveran votà passa 300 giadas.

RR novitads 07:00