Siglir tar il cuntegn
Inhalt

Svizra Ils favurits rumantschs

En il territori rumantsch èn Laurin ed Alessia stads l'onn passà ils nums ils pli derasads per ils novnaschids. Quai resulta da las novas cifras da l'Uffizi federal da statistica. Guardà sur tut la Svizra èn ils nums ils pli derasads per ils buobs Noah (443 giadas) e per las mattas Mia (465).

lulli da pops en blau e cotschen
Legenda: Ils nums ils pli derasads en il Grischun l'onn 2015. RTR

L'onn passà èn naschidas 41'900 mattas e 44'650 buobs. Lur geniturs han tschertgà ils nums e savens elegì il medem. En Svizra èn sin il podest ils nums per las mattas Mia (465), Emma (447) e Lara (335). Tar ils buobs èn quai Noah (443), Liam (412) e Luca (361).

Differenzas en las regiuns linguisticas

Tranter las regiuns linguisticas dattì però cleras differenzas. En la Svizra tudestga èn ils nums ils pli derasads Leon e Mia, en la Svizra franzosa Gabriel ed Emma ed en la Svizra taliana Leonardo e Sofia.

Er en ils singuls chantuns datti differenzas. Uschia èn en il chantun Grischun stads il pli derasà ils nums Nino e Lara, en l'Uri Tim ed Emma ed a Turitg Leon e Mia.

Parada da hits da nums en il Grischun (2011 - 2015)

prenums da buobs
plazza
dumber
prenums da mattasplazza
dumber
Nino119Lara114
Luca215Mia114
Laurin312Chiara311
Leon312Alina410
Noah312Giulia410
Elia611Emilia69
Gian611Laura69
Nico611Lea69
Dario9
10
Lia69
Mauro910Melina69
Nando910Sofia69

RR novitads 12:00