Ils 24 d'avrigl vegn il president franzos Emmanuel Macron spetgà dal president dals Stadis Unids en la Chas'alva a Washington. Cun la visita veglian ins rinforzar la collavuraziun tranter ils Stadis Unids e la Frantscha.
La collavuraziun veglian ins cunzunt rinforzar en ils secturs d'economia, da dumondas diplomaticas e «l'amicizia tranter ils dus presidents», ha la pledadra da Trump Sarah Sanders ditg. I sa tracta da l’emprima visita statala uffiziala a Washington dapi che Trump è en uffizi. Il protocol prevesa per tals cas ina ceremonia uffiziala ed ina tschaina.
Ils extrems s'attiran
Tiers quai che Macron e Trump han savens differents puncts da vista – cunzunt tar dumondas da clima – sa chapeschan ils dus schefs da stadi bain.
Il fanadur aveva Trump preparà il tarpun cotschen a Paris ed envidà il president american a la parada militara sin ils Champs-Elysées e tar ina tschaina sin la Tour Eiffel.
RR novitads 07:00