Siglir tar il cuntegn
cuntegn

Svizra Ils dus arrestads da Chiasso ston bandunar il pajais

Els èn vegnids tschertgads en connex cun l'attatga cun cuntè a Marseille. Avant 10 dis aveva in um attatgà a la staziun da tren duas dunnas cun in cuntè e mazzà ellas. L'um dal pèr saja il frar da l'attatgader supponì, uschia l'Uffizi federal da polizia fedpol.

Il pèr aveva dumandà a Chiasso asil en Svizra. Il mardi è vegnì enconuschent, ch'ils dus requirents d'asil hajan da bandunar la Svizra.

Arrestaziun a Chiasso

Sin fundament d'in cumond d'arrest internaziunal eran ils dus requirents d'asil vegnids arrestads. Il contact supponì cun l'attentader da cuntè da Marseille, Ahmed Hannachi, è en il fratemp vegnì confermà da la polizia federala fedpol.

Attatga da cunté a Marseille

Tar l’attatga cun in cunté l’entschatta dal mais a Marseille eran vegnidas mazzadas duas dunnas. L’attentader sez era silsuenter vegnì sajettà al lieu da schuldads. Tenor la polizia franzosa sa tractavia dad in Tunesian ch’aveva set differentas identitads. La gruppa da terror Stadi islamic aveva surpiglià la responsabladad. Dapi l'entschatta october valan puspè mesiras da segirezza pli severas en l'entira Frantscha.

RR novitads 11.30