Ils Chinais sco speranza per la stagiun d’enviern

Svizra Turissem vul salvar la stagiun d'enviern cun lantschar in'offensiva da reclama. E per il futur dal turissem d'enviern ha Jürg Schmid da Svizra Turissem buna speranza.

Sutgas vitas d’ina sutgera a Laax.

Legenda da maletgs: Naginas massas da Chinais, dentant pli blers duain sustegnair il turissem d’enviern en Svizra. Keystone

En la mira da questa offensiva ha Svizra Turissem tranter auter ils Chinais. Ins veglia entusiasmar quels per il sport d'enviern en Svizra, emprims success sajan gia da vesair.

Il december ed il schaner sajan stads dus difficils mais per il turissem da sport d’enviern e per las pendicularas svizras, constatescha il directur da Svizra Turissem Jürg Schmid en in’intervista cun la gasetta «Zentralschweiz am Sonntag».

Cunquai che Pasca saja quest onn però baud, dettia quai ina schanza per in bun spurt final. Schmid quinta ch’il dumber da Chinais che vegnan en Svizra per far sport d’enviern s’augmenta cuntinuadamain ils proxims onns.

RR Novitads 12:00