Siglir tar il cuntegn

Svizra Ils blers èn per scumandar reclama per tubac

En Svizra beneventa ina maioritad da la populaziun in scumond da reclama per products da tubac. Quai mussa il monitoring da l'Uffizi federal per la sanadad.

Reclama per tubac.
Legenda: Tenor l'Uffici federal per la sanadad sustegnan la Svizra taliana e franzosa pli fetg il scumond. Keystone

La populaziun svizra è cunquai sin il curs dal Cussegl federal. Quel vul numnadamain scumandar la reclama per products da tubac sin placats, en las medias sco er en il kino. Er il sponsuradi d'occurrenzas internaziunalas duai vegnir scumandà.

Las proximas emnas vul il Cussegl federal preparar la lescha per mauns dal parlament.

Maletgs d’avis perdan lur effect

Tenor il monitoring da l’onn 2014 n’hajan ils maletgs d’avis betg pli l’effect ch’els avevan oriundamain. Uschia pon ils maletgs avair in effect tar 38% dals dumandads; il 2012 muntava questa cifra anc a 45%.

RR novitads 14:00