Siglir tar il cuntegn

Header

Navigaziun

Il mir da fermada da Salanfe en il chantun Vallais
Legenda: Il mir da fermada da Salanfe en il chantun Vallais. Keystone
cuntegn

Svizra Il Vallais franchescha la controlla da sia forza idraulica

Il Valais vul controllar en il futur duas terzas dals mirs da fermada che sa chattan en il chantun. Il parlament vallesan ha approva ina lescha correspundenta. Quella regla co ils implants duain vegnir enavos en possess public.

La lescha ha il Vallais fatg en vista al return a tschep da las ovras idraulicas. Ils mirs da serra e las ovras idraulicas dovran mintgamai ina concessiun da las autoritads, per pudair nizzegiar las auas en possess public. Cura che las concessiuns scadan suenter maximalmain 80 onns, van ils implants a las vischnancas. Per ils implants fixs na ston las vischnancas pajar nagut. Las concessiuns scadan tranter il 2017 ed il 2087.

La lescha decidida ha la finamira, che la cumpart dal chantun vid las ovras idraulicas s’auza dad oz 20% sin 60%. Lura vul il chantun vender la mesadad da questa cumpart per in pretsch da martgà ad ina societad publica. Dal gudogn che sa resulta duain lura tut las vischnancas vallesanas profitar.

RR novitads 17:00