Siglir tar il cuntegn
Inhalt

Svizra Il Tribunal administrativ federal denunzia cunter nunenconuschent

En la «Weltwoche» era vegnì publitgà in artitgel davart la sentenzia da principi tar fugitivs da l'Eritrea.

Purtret dal Tribunal administrativ federal a Son Gagl.
Legenda: Purtret dal Tribunal administrativ federal a Son Gagl. Keystone

La dretgira administrativa federal ha avert ina accusa cunter nunenconuschent. Il motiv è che la gasetta «Weltwoche» ha publitgà in artitgel tar ina decisiun da la dretgira administrativa federala che n’era fin uss anc betg vegnida publitgada. Il mument na saja quai betg cler co la «Weltwoche» saja vegnida a questas infurmaziuns, scriva la dretgira en ina communicaziun. Uss duajan vegnir fatgas investigaziuns internas.

Damai che la sentenzia saja vegnida fatga en in uschenumnà process da coordinaziun da derschaders da duas differenzas partiziuns, hajan bleras persunas gì invista en ils documents. La decisiun da la dretgira administrativa federala tractava ina analisa da la situaziun en Eritrea. Pervi da l'incap vul la dretgira anc ina giada intercurir il process e forsa adattar intginas chaussas.

RR novitads 15:00