Siglir tar il cuntegn
cuntegn

Svizra Il svizzer Stefan Mogl duai investigar en Siria

Las Naziuns Unidas han nominà il svizzer Stefan Mogl sco nov manader da las investigaziuns en Siria en connex cun il diever d’armas chemicas.

Purtret dal bajetg da las Naziuns Unidas a Genevra.
Legenda: Las Naziuns Unidas han tschernì in svizzer per las investigaziuns en Siria. Keystone

La Svizra beneventia questa nominaziun, communitgescha il departament federal per ils affars da l’exteriur. Stefan Mogl haja gronda experientscha sin quest sectur, scriva l'ONU.

Actualmain è el schef da la sparta da chemia tar l’Uffizi federal da la protecziun da la populaziun BABS. Il mandat dura enfin la fin da quest onn. Mogl vegn ad esser responsabel per la coordinaziun da las examinaziuns.

RR actualitad 18:00