Siglir tar il cuntegn
Inhalt

Svizra Il secretari statal sa retira

Il secretari statal e schefdiplomat da cusseglier federal Didier Burkhalter, Yves Rossier sa retira. Il departament per fatgs da l'exteriur EDA ha confermà in rapport dal Tages-Anzeiger.

Yves Rossier
Legenda: Suenter 4 onns sa retira secretari statal Yves Rossier. Keystone

Rossier na vegnia dentant betg a bandunar il departament. El haja supplitgà da sa laschar metter sin la glista dals proxims transferiments. Vul dir: El vegn a surpigliar sco ambassadur svizzer ina residenza en l'exteriur. Tgenina vegn il cussegl federal a decider.

Davart ils motivs per sia abdicaziun n'ha l'EDA fatg naginas indicaziuns. Dentant sajan mo paucs secretaris statals stads ils davos 30 onns pli ditg che 5 onns en uffizi.

Il minister da l'exteriur Didier Burkhalter vegn uss a scriver ora la plazza fin la fin d'avust.

RR novitads 21.00