Siglir tar il cuntegn

Header

cuntegn

Svizra Il secret da banca en Svizra na vegn definitvamain betg schluccà

Cun ina moziun avevan tuttas duas chombras dumandà il Cussegl federal da betg rinforzar il dretg penal fiscal. Ussa ha schebain il Cussegl naziunal sco era il Cussegl dals chantuns acceptà la moziun.

Revisiun

Avrir la box Serrar la box

La revisiun dal dretg penal avess tranter auter schluccà il secret da banca. Uschia avess l'autoritad fiscala survegnì invista en documents da banca betg be en cas da suspect da fraud fiscal, mabain era tar suspect dad omissiun fiscala.

Suenter ch'il Cussegl naziunal aveva ils 7 da december decidì da betg tutgar il secret da bancas en l'intern, ha ussa era la chombra pitschna approvà la moziun correspundenta. Concret munta quai ch'il secret da bancas en Svizra resta e che l'autoritad fiscala n'ha betg directamain access sin las datas da banca.

La via per retrair l'iniziativa «Gea a la protecziun da la sfera privata» – l'iniziativa che vul francar il secret da banca en la Constituziun – è libra . Tenor cusseglier naziunal Thomas Matter (PPS) vegn il comité d'iniziativa a decider quai en las proximas emnas. La finamira principala dals iniziants saja dentant cuntanschida.

RR novitads 15:00

Artitgels legids il pli savens