Siglir tar il cuntegn
Inhalt

Svizra Il scribent da crimis è mort

Il scribent bernais Sam Jaun è mort en la vegliadetgna dad 82 onns. Sco quai che sia famiglia ha communitgà è el gia mort avant in'emna.

Sam Jaun.
Legenda: En la vegliadetgna dad 82 onns è il scribent mort. Keystone

Il scribent, ch'era dapi il 1970 cunzunt enconuschent sco autur da crimi, è mort. Sco quai che sia famiglia ha communitgà è Sam Jaun gia mort il venderdi passà.

Jaun era studegià germanist e filolog classic. Per sia lavur è el vegnì remunerà il 1987 cun il premi Friedrich-Glauser. «Die Brandnacht» sa numna l'ovra premiada ch'è er vegnida filmada. Ed il 2001 han ins lura onurà ses roman «Fliegender Sommer» cun il premi da crimis tudestg.

Dal scolast, tar il scribent

Il scriptur bernais aveva sias ragischs en l'Emmental. Suenter il studi era Jaun lura ì en la citad da Berna, nua ch'el aveva lavurà sco scolasts ed incumbensà per la cultura. Dapi il 1977 aveva el lura midà sia passiun en sia professiun ed aveva cumenzà a lavurar sco scriptur independent e translatur.

RR novitads 11:00