Siglir tar il cuntegn
Inhalt

Svizra Il recept tessinais: surdar lavurs a firmas svizras

Il Tessin sa decida per reglas pli severas, areguard surdar incumbensas publicas. Senza cuntravusch ha il parlament tessinais decidì da preferir firmas indigenas, per uschia tegnair davent meglier la concurrenza ord l'Italia.

Grevas maschinas per asfaltar ina via nova
Legenda: Las vias furman ina pulita part da las lavurs publicas ch’il chantun Tessin surdat mintg’onn. Keystone

Il maun public duai surdar incumbensas da construcziun da fin ad 8,7 milliuns francs mo pli ad interpresas cun sedia en Svizra. Per furniziuns da rauba e servetschs duai valair ina limita da 350’000 francs.

Impurtant per il chantun

La regenza tessinaisa inditgescha che 90% da tut las incumbensas publicas tutgan en questas categorias. L’impurtanza economica da las lavurs surdadas dal maun public saja gronda, ha ditg il cusseglier guvernativ Claudio Zali da la Lega durant la debatta en il cussegl grond.

Autra posiziun a Berna

L'onn 2014 era il Cussegl federal da l'avis, che preferir firmas indigenas a tala moda violeschia obligaziuns internaziunalas. In criteri da surdar lavurs cuntrafetschia al princip da tractament egual da tut ils offeriders indigens e da l’exteriur.

RR novitads 21:00