Il cumenzament da l’october passà era il process Adeline vegnì interrut gia suenter quatter dis. Als derschaders era vegnì reproschà d'esser preoccupads. In’instanza da recurs ha uss decidì ch’ils derschaders ston vegnir remplazzads. Quai ha inditgà ina funtauna or da la giustia da Genevra a l’agentura da novitads sda. Vitiers ha l’instanza annullà tut las decisiuns e tut ils pass che la dretgira aveva fatg.
Il delict n'è betg contestà
L’um accusà aveva mazzà il settember 2013 la terapeuta sociala Adeline ch’al accumpagnava durant in’excursiun lubida. Il delinquent era en in center spezialisà sin resocialisar delinquents. Dispitaivlas en il process èn cunzunt expertisas psichiatricas che giogan ina rolla, sche l’um accusà vegn internà per vita duranta.
RR novitads 12:00