Siglir tar il cuntegn

Header

cuntegn

Svizra Il pensiunament anticipà per lavurers da construcziun è periclità

La fundaziun da salvament BVG ha desditg il contract cun la branscha da construcziun.

Lavurers da construcziun che van gia en pensiun cun 60 ston quintar cun ina perdita da 200 fin 300 francs per mais tar la renta transitorica fin 65. La raschun: La fundaziun da salvament BVG ha desditg il contract cun la branscha da construcziun, quai scriva la Societad svizra dals impressaris constructurs.

La fundaziun argumentescha quai cun il fatg che collavuraturs che giaian pli baud en pensiun hajan pajà en damain daners che quai ch'els survegnian pli tard sco renta. Per l'instituziun da recepziun saja quai ina fatschenta deficitara.

audio
Il pensiunament anticipà per lavurers da construcziun è periclità
ord Actualitad dals 03.05.2018.
laschar ir. Durada: 2 minutas 53 Secundas.

Lavurers da construcziun pon pli baud en pensiun grazia a la fundaziun FAR. Quella ha però problems finanzials, perquai che adina dapli lavurers da construcziun van pli baul en pensiun.

RR novitads 12:00

Artitgels legids il pli savens