Siglir tar il cuntegn
Inhalt

Svizra Il Palaz da las naziuns a Genevra po vegnir renovà

La radunanza plenara da l'ONU a New York ha approvà la renovaziun dal Palais des Nations a Genevra.

Il Palais des Nations a Genevra.
Legenda: Il Palais des Nations a Genevra. Keystone

Ed en la votaziun dal preventiv 2016 ha ella era deliberà in'emprima summa da 33 milliuns francs. Il Cussegl federal aveva approvà il settember passà in emprest senza tschains da 400 milliuns francs.

In bajetg da var 80 onns

Las lavurs da construcziun duain cumenzar il 2017 e cuzzar 8 onns. Ils custs totals muntan a prest 840 milliuns francs. Dapi la construcziun dals Palais des Nations en ils onns 1930 n’è il bajetg maina vegnì renovà da rudent.

Impurtant per Genevra

La citad da Genevra vala sco il pli impurtant center da conferenzas da l’ONU. Mintg’onn han lieu a Genevra pli che 10’000 conferenzas, e quellas procuran per pli che 100’000 visitaders e visitadras ad onn.

RR Novitads 09:00