Siglir tar il cuntegn
cuntegn

Svizra Il nov president da Swiss Olympic sa numna Jürg Stahl

Jürg Stahl succeda a Jörg Schild. Il cusseglier naziunal da la PPS ha fatg la cursa per il presidi da Swiss Olympic cunter Werner Augsburger e Martin Landolt.

Jürg Stahl.
Legenda: Jürg Stahl succeda a Jörg Schild. Keystone

Jürg Stahl è vegnì elegì da la radunanza dal partlament da sport ad Ittingen / Berna sco nov president da Swiss Olympic. Il politicher da 48 onn succeda cunquai a l’anteriur cusseglier guvernativ da Basilea Jörg Schild. Suenter 11 onns en uffizi n’ha Schild (70) betg pli pudì candidar pervia da raschuns da vegliadetgna.

Il droghist diplomà è dapi il 2004 commember da la direcziun da l’assicuranza Groupe Mutel. Dapi il 2008 è Stahl - ch’è vegnì proponì da l’associaziun da gimnastica – commember dal cussegl executiv da Swiss Olympic.

RR novitads 20:00