Siglir tar il cuntegn
cuntegn

Svizra Il nov film da la Heidi

Ils 2 da december e la premiera grischuna dal nov film «Heidi» a Cuira. En ils kinos vegn il film ils 10 da december. L’istorgia da Johanna Spyri è gia vegnida adattada intginas giadas per il kino. Uss ha in reschissur svizzer realisà ina nova versiun.

Il nov film resta fidaivel a l’istorgia originala da Johanna Spyri. Alain Gsponer ha desistì d’aspects moderns ni midadas. Il film è vegni filmà tranter auter a Sur ed a Bravuogn, dus bels lieus sco culissa da film ed ina buna reclama per il Grischun.

La rolla da la Heidi vegn giugada da Anuk Steffen ed il Peter vegn giugà da Quirin Agrippi. Sco ulteriurs acturs èn Bruno Ganz, Hannelore Hoger e Maxim Mehmet da la partida. Els giogan fitg bain lur rollas ed oravant tut ils uffants persvadan.

Il film vegn mussà en Svizra, Germania ed Austria. Premiera Grischuna è ils dus da december a Cuira.

Legenda: Guardar il video Quirin Agrippi, il Geisenpeter en il film da Heidi. Durada 03:11 minutas.
Or da Actualitad video dals 27.11.2015.

Trailer uffizial da Heidi