Siglir tar il cuntegn
Inhalt

Svizra Il martgà da lavur svizzer na survegn nagin schlantsch

En l'avegnir vegn la situaziun sin la fiera da lavur a stagnar en Svizra. Quai demussa l'indicatur dal KOF, il post da perscrutaziun da la conjunctura da l'ETH da Turitg. Per eruir quest indicatur ha il KOF fatg retschertgas tar passa 4500 firmas.

trais lavurers en vestgadira oranscha vid la lavur
Legenda: Il martgà da lavur svizzer stagnescha en quasi tuttas branschas. (maletg simbolic) Keystone

La gronda part da quellas resenta il dumber dals occupads sco plitost memia aut e na planisescha betg da crear plazzas novas il proxim avegnir. En il passà han las interpresas pil pli fatg quai ch'ellas avevan planisà, ed han uschia confermà ils resultats da las retschertgas.

I na dat strusch branschas che quintan da stgaffir plazzas, en tuttas branschas è da vesair la retenientscha.

RR novitads 10:00