Siglir tar il cuntegn

Svizra Il manager svizzer gudogna en media 3,3 miliuns francs

Las pajas dals managers da l'economia èn restadas en media stabilas l’onn passà. Mo paucs schefs han fatg gronds sigls da paja. Quai resulta da l'emprima analisa dals rapports da cumpensaziun d'interpresas svizras.

Um che piglia notas da 200 francs ord ina valisch.
Legenda: Tut en tut en 53 firmas svizra cotadas a la bursa vegnidas prendidas sut la marella. Keystone

Il 2017 ha in schef da concern en Svizra gudagnà en media 3,3 milliuns francs ed uschia 1% pli pauc ch'il 2016. La paja media dals schefs da firmas cotadas al Swiss Market Index è en media stadas 8,2 milliuns francs. Il pli bler ha gudagnà il schef da la banca UBS, Sergio Ermotti cun 14,2 milliuns francs. L’onn avant era quai anc stà 13,7 milliuns.

Firmas daventan pli transparentas

Quai che pertutga la transparenza vesa il rapport in svilup. Adina dapli interpresas dettian betg mo enconuschent las pajas, mabain er las bunificaziuns per plans che sa basan sin las aczias. Ils auturs dal studi beneventan er ch’adina dapli interpresas consulteschian lur acziunaris davart la politica da bunificaziun.

RR novitads 17:00