Damai ch’i na dettia nagins indizis ch’il luf sa chattia anc en la regiun, desistian els da prolungar la lubientscha da sajettar, scrivan ils responsabels dal chantun Uri.
Il zercladur passà aveva in luf mazzà pli che 30 nursas sin differentas alps da la vischnanca da Isenthal, ed ulteriuras 10 nursas aveva in luf stgarpà sin il territori da la vischnanca Emmetten en il chantun Sutsilvania.
Sinaquai aveva il chantun Uri publitgà ina lubientscha da sajettar il luf che valeva per 60 dis. Ina prolungaziun da questa lubientscha è mo pussaivla, sch’il luf ha fatg entaifer ils 60 dis ulteriurs donns.
RR Novitads 12:00
