Siglir tar il cuntegn
Inhalt

Svizra Il glatscher sur Saas-Grund è rut

Tar la lieunga dal glatscher Trift èsi adina puspè vegnì constatà moviments dapi l'entschatta da l'emna. Las autoritads han perquai instradà l'evacuaziun d'ina part dal vitg da Saas-Grund. Dumengia bunura tranter las 04:00 e las 06:00 è ina part da la lieunga rutta giu.

In toc dal glatscher Trift smanatscha da rumper giu.
Legenda: In toc dal glatscher Trift smanatscha da rumper giu. Keystone

Al glatscher Trift è ina part da la lieunga rutta giu la dumengia bunura. La lavina da glatsch u bovas ch'ins aveva temì, n'hai betg dà. Tenor la polizia n'hai dà naginas persunas blessadas e nagins bajetgs donnegiads. Quai perquai ch'il glatsch saja rutt giu e restà al lieu.

Nagin privel pli – Ils evacuads pon turnar a chasa

Las bun 200 persunas evacuadas pon puspè turnar en lur chasas. La sonda saira avevan las autoritads evacuà la gronda part dal vitg da Saas-Grund. Quai suenter che geologs avevan constatà moviments pli gronds tar il glatscher las ultimas emnas. Moviments da fin 130 centimeters per gi.

Anc serradas restan las pendicularas e las sendas da viandar.

Il glatscher sa retira

Il glatscher Trift ch'è sin bun 3300 meters sur mar, sa reducescha pli e pli fitg. En tut è el sa retratg per passa 2 kilometers dapi il 2015.Il glatscher Trift vegn controllà permanentamain dapi il 2014.

RR novitads 17:00