Siglir tar il cuntegn

Svizra Il franc è uschè bass sco dapi il 2015 betg pli

Il franc svizzer è crudà l'avantmezdi sin il pli bass stan dapi l'aboliziun dal curs minimal l'entschatta 2015. Ils economs decleran la raschun surtut cun l'euro che crescha er en cumparegliaziun cun ulteriuras devisas. Il mument custa in euro radund 1,1560 francs.

In euro ed in franc svizzer.
Legenda: In euro custa il mument radund 1,1560 francs. Keystone

Entant che la Banca centrala europeica sa prepara plaunsieu da sia politica monetara lucca, ha la Banca naziunala svizra fixà l'emna passada tschains negativs da record cun in minus da 0,75%.

La banca naziunala ha plinavant punctuà ch'ella saja vinavant pronta da flaivlentar il franc cun intervegnir sin il martgà da devisas. Dapi l'emna passada na classifitgeschan ils survegliaders monetars il franc però betg pli sco «cleramain survalità» mabain sco «valità aut».

RR novitads 15:00