Siglir tar il cuntegn

Header

Camiun dad Emmi avant la fabrica a Kaltbach.
Legenda: Emmi fa var la mesadad da sia svieuta en l’exteriur, e senta perquai fitg il ferm franc svizzer. Keystone
cuntegn

Svizra Il franc aut tutga era Emmi - e purs da latg

Emmi vul pajar damain als purs che produceschan latg per products d'export. Quai è ina da las mesiras, ch'il concern da latg da Lucerna ha decidì sco consequenza dal curs bass da l'euro. Uschia ha Emmi infurmà ses investurs.

Emmi reagescha cun in entir pachet da mesiras sin la decisiun da la Banca naziunala svizra. Sper sbassar ils pajaments als purs vul Emmi era auzar ils pretschs per ils products d'export. Vitiers èn planisadas contractivas cun ils furniturs internaziunals, e programs d'effizienza en ils manaschis.

RR novitads 15:00