Jaspers era in psichiater e filosof tudestg da renum internaziunal. El è in dals chaus da la filosofia d’existenza (betg a scumbigliar cun l’existenzialissem da Jean-Paul Sartre). Ina visita a Segl-Maria haja intimà el da vegnir medi, scriva Wikipedia. Sco medi ha Jaspers contribuì al svilup scientific da la psichiatria. El dociva er a Basilea.
Il filosof, psicolog e germanist era tranter il 1962 ed il 1969 l’assistent persunal dal filosof Karl Jaspers. Pli tard ha Saner er publitgà il relasch da Jaspers. Saner sez ha scrit radund 15 cudeschs ch'èn vegnids translatads en 11 linguas.
Hans Saner haja adina ditg avertamain sia opiniun – quai er tar temas actuals sco suicidi da vegliadetgna, aborts u la crisa da finanzas, scriva la SDA. Saner ha prendì posiziun er politicamain. Uschia ha el sustegnì l’onn passà l’iniziativa dal pievel, che vuleva ina paja minimala senza cundiziuns.
RR novitads 07:00