Siglir tar il cuntegn
Inhalt

Svizra Il dilemma dals purs

La refurma da las rentas na piglia nagina fin. Quant dess survegnir mintgin ed insumma co duess la renta vegnir finanziada? 2 models èn vegnids discutads en il cussegl naziunal – dus models che mainan dentant ils purs en in dilemma.

Ils purs sut il commembers dal cussegl naziunal sun stratgs vi e nan dals dus models...
Legenda: Ils purs sut il commembers dal cussegl naziunal sun stratgs vi e nan dals dus models... Keystone

Ditg curt e simpel sa differenzieschan ils dus models suandantamain:

ils dus models

model 1 (PPS, PLD)
model 2 (PS, PCD, PBD)
Ritg ni pover - mintgin duai sez finanziar sia renta. Mintgin duai pajar
ina segunda pitga, quai independent da qui che el guadagna. E i duai
vegnir pajà dapli sco fin en ussa.
La renta duai vegnir gulivada. - ils ritgs duain era pajar per ils
povers. Mintgin duai survegnir 70 francs dapli al mais tar l’AVS.

Il pur e cusseglier naziunal bernais da la PPS Andreas Aebi è stratg vi e nan. Ad el na cuntenteschan tuts dus models betg. Tar il model 1 vesa el la problematica ch'ils blers purs, ni pia quels che na gudognan tant n'han betg ina segunda pitga. Ina problematica ch'era il parlamentari e pur da la PBD, Duri Campell, vesa.

Dentant cuntentescha a Duri Campell il model 2. Tenor ses quints gudagnassan ils purs la fin finala cun ils 70 francs dapli al mais. E causa che las rentas dals purs e dals auters che na gudognan tant èn pli bassas survegnissan els dapli. Ad Andreas Aebli perencunter na cuntantescha era betg quel model. El disturba che mintgin survegniss ils 70 francs – da quels che han da basegn fin a quels che na badan ina differenza. Per el stuess ins metter ina limita per dar ils raps, uschia ch'i survegnissan propi be quels ils raps che han necessari.

Duos purs – duos opiniuns – dentant in problem vesan tuts dus tar il model 2: Las duas pitgas vegnissan maschadadas ina tranter l’autra.

Dentant ha il cussegl naziunal decis encunter l'augment da l'AVS.

RR novitads 12:00