Siglir tar il cuntegn

Header

Navigaziun

Las correspundentas Laura Keller, Christina Caprez e Mirella Zen a la lavur tar RTR a Cuira.
Legenda: Las correspundentas (da san.) Laura Keller, Christina Caprez e Mirella Zen a la lavur tar RTR a Cuira. RTR, U. Cadisch
cuntegn

Il di dals auters 6-11-2014: «Nus essan ils auters»

Co cumenz'ins il meglier il di a Lugano, tgenina musica taidlan actualmain las Genevrinas, ed è il Grischun per quels da Turitg anc adina cunzunt «la Ferienecke»? Davant e davos las culissas dal «Di dals auters» èsi ils 6 da november stà d'udir, da vesair e da leger tar RTR.

Durant 1 di èn nossas correspundentas Mirella Zen (Tessin), Laura Keller (Svizra romanda) e Christina Caprez (Svizra tudestga) stadas giasts tar RTR ed han rapportà da quai che muventa e fatschenta noss vischins en Svizra sco era da lur mintgadi ed experientschas a Lugano, Genevra e Turitg.

Legenda: Guardar il video Da l'arrivada da las correspundentas fin a l'emissiun a Cuira. Durada 03:22 minutas.
Or da Actualitad video dals 06.11.2014.

Auter che auters dis...

In di in zic auter per las 3 correspundentas da RTR en las differentas regiuns linguisticas svizras. Turnar tar las ragischs grischunas e dar pled e fatg ad RTR a Cuira. Era persunalmain in'experientscha nova, damia ch'ella na s'inscuntran uschiglò betg.

Cler: Mintgina è en sia regiun ed ans rapporta mintga sonda a las 12:06 en il Radio Rumantsch da quai che ha muventà, fatschentà ed occupà vischinas e vischins en Svizra tudestga, franzosa e taliana.

Nus sco auters tar la SSR

Il «Di dals auters» datti era tar ils auters. Là rapportan Toni Poltera tar SRF, Aita Pult tar RTS, Chasper Pult e Rafael Müller tar RSI davart il Grischun, las Rumantschas ed ils Rumantschs. Era els han gì da lavurar tar las autras unitads d'interpresa. Tests hai dà tut differents: orientaziun, chant e da moderatur da televisiun.

Actualitiad la saira (06.11.2014)

Ord las 3 regiuns (06.11.2014)

Glorius e famus (06.11.2014)

Tips (06.11.2014)