Siglir tar il cuntegn
Inhalt

Svizra Il Cussegl federal sa moventa per l'emprima giada

Per l'emprima giada insumma sa mussa il Cussegl federal sin il maletg tradiziunal betg da maniera statica ma animada – pli concret: en in'animaziun.

Il maletg animà.
Legenda: «Bundesrat» cun «Bundesart» il maletg è vegnì sviluppà sin giavisch dal president da la Confederaziun Alian Berset (PS). MAD, admin.ch

La fotografia tradiziunala saja vegnida transmidada uschia per l'emprima giada en in maletg muventà per las medias digitalas, citescha l'agentura da novitads svizra SDA la communicaziun dal Cussegl federal.

L'animaziun è vegnida creada tenor il concept «Bundesart» ch'il president da la Confederaziun e minister da cultura Alain Berset ha dà en incumbensa. Ils artists èn oriunds dal chantun patria dad Alain Berset, da Fribourg.

Il maletg uffizial duai dentant er vegnir stampà e quai en 55'000 exemplars. A partir dals trais da schaner stat el a disposiziun en las loschas da la Chasa federala.

RR novitads 18:00