Siglir tar il cuntegn
Inhalt

Svizra Il Cussegl federal retira dumonda d'entrar en l'Uniun europeica

La dumonda furmala d’entrar en l’Uniun europeica fatga il 1992 dal Cussegl federal, sto uss vegnir retratga. Suenter il Cussegl naziunal ha uss er il Cussegl dals chantuns approvà cleramain la moziun da cusseglier naziunal Lukas Reimann (PPS/SG).

La decisiun è stada cun 27 cunter 13 vuschs clera en il Cussegl dals chantuns. Lez ha sco segunda chombra parlamentara approvà la moziun da Lukas Reimann. L’argument da Reimann è che la Svizra na possia betg agir independent senza retrair la dumonda formala. Il Cussegl dals chantuns aveva fin uss adina refusà dumondas sumegliantas.

La dumonda vala sco retratga

La dumonda formala da la Confederaziun.
Legenda: Da retrair la dumonda formala da la Svizra per entrar en l’UE dal 1992 ha fatschentà blers onns la politica. Keystone

Il Cusseglier federal e manader dal departament per ils affars dal exteriur, Didier Burkhalter ha ditg ch'il Cussegl federal vegnia danovamain a communitgar a l'UE che la dumonda saja da considerar sco retratga. Ma tenor Burkhalter era la dumonda gia il 1992 suenter il NA dal pievel tar l’EWR nunvalaivla. Ins vegnia a lavurar vinavant exact tuttina vid ils contracts bilaterals cun l'UE.

RR novitads 14:00